【解決師】「熊仔頭」女神林映蔚首次拍劇演學生妹:想反串做男仔

台慶劇《解決師》集合強勁演員陣容,除了有兩位視帝、視後級人馬王浩信同唐詩詠之外,劇中一班飾演中學生的演員亦相當搶鏡。當中飾演其中一位學生妹沈琪的林映蔚(阿Bie),一出場就吸引不少人關注!

如果有留意YouTube頻道「熊仔頭」的網友,相信都會認出這位「熊仔頭」女神。在拍攝《解決師》前,阿Bie以拍攝廣告、網上短片為主,所以今次是她首次跳出網上平台,演出電視劇。她在接受《香港01》訪問時,就笑言今次機會難得:「因為今次劇組想創新啲、特別啲,揾啲新面孔,所以就揾咗我去Casting。最初我剩系知自己演學生妹,但去到先知試邊場戲,所以我都好緊張,今次劇集出街後好多人都話睇到唔一樣嘅我,戥我開心。第一次拍劇就可以同王浩信、唐詩詠兩位視帝視後合作,學到好多嘢。同我之前Online嘅工作好唔同,拍劇製作大啲、時間長啲。」
現年26歲的阿Bie,大學主修新聞及傳播系。外貌甜美的她早在大學時期已經有接Freelance拍攝工作,之後在朋友介紹下進入地產界:「畢業後我有一年時間都系接Freelance,做地產代理算系我第一份Full-time job。嗰陣諗住咩都試下,由17年中做到19年中,都做咗兩年。(系咪好好揾?)因人而異啦,我最多一單系有6位數傭,可能好多人對呢行有迷思,但其實都唔易做。」
不過阿Bie在今年年中就放棄做地產代理,選擇追尋演員夢想:「兩樣都需要長時間工作,好難兼顧,但我真繫好鐘意演戲,所以喺錢同興趣之間我就揀咗興趣,我睇中嘅唔系錢,呢個亦唔系我嘅主要收入來源。由我決定做演員我就預咗,如果系想發達嘅就唔會做呢行,我從來都冇Concern(擔心)過呢個問題。(屋企人支唔支持?)我屋企人同身邊嘅朋友都好支持,佢哋覺得我Afford(負擔)到自己嘅生活就得。」
由地產代理到「熊仔頭」女神,再到如今拍電視劇,阿Bie就話一切都是機緣巧合。對於今次處女拍劇就吸引不少人討論,她亦表示很開心:「我以前曝光都系網上為主,做Freelance都有一段時間,唔同嘅媒介我都試過,但電視劇系我未接觸過嘅嘢,所以電影同電視劇會系我未來嘅目標。(會唔會考慮簽TVB?)如果有機會都會系一個唔錯嘅選擇。(擔唔擔心人工低?)呢啲到時再傾啦,我相信都唔會壓到好低嘅,我覺得喺演藝路甚至喺人生入面,好多嘢都唔可以用錢衡量,所以冇得計算太多。拍劇對我嚟講繫個挑戰,之後有機會我都想再拍,試下反串做男仔、做奸角。」
點擊下圖睇阿Bie更多靚相: