【多圖】陳瀅告別女神長髮　親自執刀剪走十多吋頭髮

Jeannie陳瀅入行以來，都係以長髮示人，無論係女人味十足嘅長曲髮，或者俐落嘅馬尾造型，都成功幫佢建立女神形象。不過呢日佢居然親自拎起剪刀，狠心剪去十吋頭髮﹗

Jeannie亦好鍾意俐落馬尾造型：

劇集《愛美麗狂想曲》剛煞科，Jeannie馬不停蹄參與新劇《伙計辦大事》拍攝。就喺兩劇間空檔，佢去到髮型屋大變身。Jeannie上載一條快轉片段，見到佢手執剪刀，笑住咁親手剪去馬尾，仲拎住十多吋頭髮喺鏡頭前俾大家睇，之後再由髮型師幫忙修剪。Jeannie透露自己從未試過咁短頭髮，會將剪出嚟嘅頭髮捐俾有需要人士。