袁偉豪曬20年前《烈火戰車2》片段　爆炸頭造型：年少頭髮密過人

每個人都年輕過，趁後生嘗試多啲新玩意新造型，當下覺得自己好潮，但過多十年廿年睇返就會得啖笑。袁偉豪呢晚睇返20年前舊相，同大家分享當年走在時代尖端嘅造型。

袁健豪分享20年前拍《烈火戰車2極速傳說》嘅相同片段。（IG：@benontheroad ）

想當年袁偉豪校草選舉奪冠入行後，系拍廣告、電影為主，呢日佢分享數張20年前，1999年拍《烈火戰車2極速傳說》嘅相同片段。佢留言話：「正所謂年少，頭髮都密過人，大家可能都未必知原來大頭文系我。」

當年呢個啡金色爆炸頭，真系少啲勇氣都唔得，原來袁偉豪唔系戴假髮真系自己走去電發，另外一張相見到佢赤裸上身，比依家青澀兼瘦削得多，唔知如果佢依家整返呢個頭，粉絲又BUY唔BUY呢？