黃澤鋒在囡囡設百日宴表明要追多位小朋友　太太麗麗：要入紙申請

黃澤鋒與太太陳麗麗（今日（11/10）為愛囡「小黃妃」設百日宴，筵開50席與親朋好友分享喜悅。澤鋒與太太帶同主角「小黃妃」一齊亮相會會晤傳媒，提到由二人行升呢到三人行生活上的改變，澤鋒直言：「每日都要早睡早起，變得好有規律，如果佢有咩頭暈身㷫，我哋兩個就會好擔心，其實最緊要佢食得瞓得又去得，如果佢去唔到「便便」就好大件事，所以我哋會紀錄佢幾耐冇去大便，因為囡囡去唔到「便便」會發憫憎。」

鋒澤直言囡囡出世後「腳頭好」又好湊：「佢好鍾意睇電影又好鐘意聽歌，不過佢唔係咩歌都鍾意聽，好似佢試過聽某啲前輩啲歌曲，聽到唔鍾意，佢會反面好公道，佢唔會理你會邊位。」（邊位前輩嘅歌？）澤鋒笑言：「唔可以講嘅，囡囡千其唔好結咁多仇怨呀！」此外，澤鋒表明想再追多位小朋友：「不過要睇太太身體狀況再決定。」旁邊太太麗麗笑言：「要入紙申請，但我審批中。」