【金宵大廈】混血男友每晚趕住追劇 張曦雯：有英文字幕睇！
撰文：陳栢宇
出版：更新：
張曦雯（Kelly）今日（11/10）到將軍澳電視廣播城出席無綫新劇《木棘証人》拜神儀式。劇中飾演律師的Kelly笑指攞正牌狂鬧羅仲謙：「其實當我知道要做呢個角色嘅時候，我都有參考Do姐（鄭裕玲）之前拍嘅《男親女愛》裏面嘅角色，雖然之前見過羅仲謙，但就未合作過，但今次能夠同個靚仔合作覺得自己好幸運。」
提到Kelly在劇集《金宵大廈》中，因打機與林子善結情緣，問現實中有否遇過？她即表示：「其實之前我都有直播打遊戲機，認識咗好多呢個圈嘅人，大家熟咗，之後成班人都有出嚟聚會。」
至於混血男友有否欣賞他的演出？她答謂：「佢知道我要拍《金宵大廈》嘅時候，佢已經不斷問我幾時有睇，佢就算唔識聽中文，每晚都會趕返去睇直播，因為會有英文字幕，咁所以佢係知道成個劇情講乜。」