【解決師】王浩信為演好殺手叫武指唔好留力：拳拳到肉先好睇
撰文：林通賢
出版：更新：
《解決師》下週緊接《金宵大廈》播映，成為今年首套台慶劇的劇集，男主角王浩信雖然身穿了一件較鬆身的Tee出席，但都隱約見到他爆肌的身型，原來王浩信為了《解決師》這次演出一時爆肌，一時又要減肥，認真辛苦，他說：「今次要演繹兩個角色，一個係殺手，一個係教師，演殺手嗰階段要鋼練啲，但之後演教師我又想重返少少配合角色，所以前後我嘅體重相差7kg，我想食到好肥去演教師，咁先似個角色，亦想做到個兩個角色有好大反差。」
打戲難免會受傷，王浩信為令觀眾看得投入，他有超過八成動作親身上陣，他說：「因為想觀眾都覺得呢個角色係有殺傷力，所以我都同武指講嚟真啦，如果十成力嚟計，我諗都去八成，唔會就住打，咁樣唔好睇，所以少少皮外傷梗有，但出嚟效果大家都好滿意。」