葉蘊儀擔心身體健康？　直認每日戴口罩出街：而家咁多病！

ViuTV周三（9日）舉行2020年節目發布會，有份出演電視劇《娛樂風雲》的葉蘊儀（Gloria）談到久違拍劇正在處於Warm up的狀態：「幾年冇拍都需要時間Pick up，玩下幾集都OK嘅。」問到會否希望在下個作品擔當主角，她說：「我冇諗到做唔做主角，對於我嚟講演繹一個角色係唔係主角唔重要。」

提到近月社會、政治爭議不斷，葉蘊儀亦很關心相關事件，她說：「每一個香港市民都會關心香港嘅動態，唔係淨係我一個。」對於近日香港政府發布禁蒙面法，Gloria說：「我每一日都會戴口罩、戴帽出街，如果警察查我嘅時候，我都會畀身份證佢查。（會否擔心個人安全？）我諗視乎自己情況，例如而家咁多病，又伊波拉病毒、又禽流感，小朋友真係要注意下。」問到頻頻發聲會否擔心影響工作，她說：「其實我主要講我關心嘅議題，例如：小朋友、女性，如果呢啲都同政治有關，其實我哋就係生活在充滿政治嘅社會，有多過三個人嘅地方就有政治。」