【後生仔傾吓偈】馮盈盈想搵高大男生 原因竟係：諗住抱起嚟……
撰文：鄺鈺瑩
出版：更新：
最新一集《後生仔傾吓偈》以「哈比人」為題，仲特地搵埋身高153CM嘅黃美棋做嘉賓。節目中，提到香港男仔平均身高為173CM而女生則為159CM時，麥明詩曾經為自己嘅身高而感到煩悶，仲研究過唔同嘅增高方案，當中包括打荷爾蒙：「我研究晒所有生長機制，膝蓋等關節生長，有啲位係有助增高，keep住有荷爾蒙的話就可以生長。」呢個偏方到底work唔work呢?麥明詩話因為要逾20萬，所以打消咗念頭，但身邊真係有朋友試過。再加上她有感當你增高咗之後，又會覺得未夠高，如此一來，不如用厚底鞋／高跟鞋解決。
其後，一眾男士被問到會唔會嫌棄女仔生得矮時，馮盈盈搶先答：「有啲鍾意玩長腿。」並透露自己擇偶時，都會偏好高大男生，而原因並唔係想下一代高啲，而係「爭係諗住抱起嚟……抱同錫」。