【多圖】傳谷英里香單飛愈戰愈勇　寫真晒完美體態

曾經係日本偶像女團BABYRAIDS JAPAN成員嘅傳谷英里香，自組合解散後，決定轉型做演員，並於劇集《Runway 24》與朝比奈彩、白石隼也等人合作。而食住劇集個勢，傳谷英里香首本個人寫真集《sol》將於本月初面世，內有不少比堅尼及性感內衣等造型。

今年23歲嘅傳谷英里香本身係日本、菲律賓混血兒，2013年參加偶像選拔獲獎而入行。賣點除咗係青春之外，原來傳谷英里香亦熱愛運動，22吋纖腰和無多餘脂肪嘅完美體態令不少女生羨慕。