【金宵大廈】黃祥興太太意外懷孕第三胎：之後會努力工作

黃祥興今天（23日）出席TVB劇集《金宵大廈》的宣傳活動，在劇集中他飾演一名吸毒人士，平常斯斯文文，說話聲音不大的他表示這次演起來是十分困難，「對我嚟講今次有好大突破，首先要同大媽講普通話，同我平時做戲有點不同，同我本身性格都有反差。」

這劇集不少恐怖情節，不少年青人或成年觀眾看完會被嚇一跳。反而祥興家中的兩名孩子並不害怕，「我小朋友有次睇完，佢哋行到勁近部電視前面，我開頭都擔心佢哋會畀啲聲嚇親，但睇完佢哋又會問返我發生咩事。可能佢哋年紀太小，所以唔知發生咩事啦。不過我都唔係乜都俾佢哋睇，因為劇入面又有食煙，又有年青人講嘅說話，所以都只係畀一次佢哋睇。」

昨天（22日）祥興公布太太懷有第三胎，祥興笑言解釋為何選擇在昨天公布：「其實之前都知知哋，咁我昨日生日，呢個係好日子，開心事都想同大家分享。不過今次都係一個意外嚟，哈哈，不過都好開心迎接小生命來臨。之後都會努力工作，對於我自己生仔生女都冇所謂。」