【金宵大廈】御用有錢人終於演窮人　黃子雄：擔心自己演得唔好

《金宵大廈》除主角外，配角亦有驚喜，相信不少網友都會覺得御用有錢人黃子雄，今次不演二世祖、有錢人，令人有新鮮感，但原來接拍這角色前，他有點擔心:「我恨咗演啲貼地角色好耐架喇，但今次要演呢個茶餐廳老闆，我係有啲擔心，因為驚自己演得唔似，其實我平時都去茶餐廳，但為咗今次都特登去觀察下啲老闆係點，我初時仲有同監製(葉鎮輝)講不如揾豹哥(單立文)，但佢話叫我俾啲信心，不過就算播之前都仲擔心，驚啲人話二世祖唔好做呢啲角色，但而家聽到反應都好正面，多謝大家。」