關曉彤中空上衣被網民毒舌：胸呢？為什麼像屁股！

自從同鹿晗拍拖之後，關曉彤身價唔同晒之餘，一舉一動都備受關注。而目前人在米蘭參加Prada 2020春夏時裝騷嘅關曉彤，頻頻喺微博同IG上載靚相，不過其中一款造型就引起唔少網民討論，原因係關曉彤身穿嘅黑色短版上衣，除有旗袍式衣領外，心口位置以大圓形挖空剪裁。

雖然呢件衫能夠突顯關曉彤嘅纖細腰身，而且仲有少少馬甲線，但唔少網民睇完相之後，都十分好奇關曉彤嘅心口位點解會如此奇妙，除有網民問「胸呢？」之外，亦有人以為關曉彤將上衣翻轉著，又或者笑佢件衫似小朋友著嘅開襠褲，露出了股溝，毒舌得嚟非常好笑。但亦有網民力撐關曉彤呢身打扮有形有格，並指佢「太平公主，好帥」。