強尼新劇《假設性無罪》攞正牌「騷擾」女同事 ：咁樣話我唔公道
撰文：吳子生
出版：更新：
ViuTV藝人強尼（許博文）今日（18/9）現身黃埔出席電影《二次人生》開鏡活動。強尼今次在戲中飾演一名年輕有為地產經理，與舊同學李志行（飾胡子彤）相遇，成為上司下屬關係：「我喺工作上都好照顧佢，因為佢做人好頹廢，咁所以我覺得做人唔可以咁，所以要成日睇住佢，叫佢做人積極啲。」
講到現實中自己是否一樣咁積極？強尼笑言：「現實中⋯我都算係掛，大家都知我哋做呢行都好被動，其實我都做咗一段時候喇，總會試過多嘢做嘅時候，亦有試過冇嘢做嘅時候，咁所以會明白要搵嘢學，自我增值，甚至乎要搵定其他出路，例如做生意咁。」
以辦公室性騷擾作為主題的ViuTV劇集《假設性無罪》（又名《Me Too》）將於10月初首播，強尼笑言：「一聽個戲名就知我在劇中就係做一個衰人，一畀人睇到實話我呢個仲唔係仆X個隻，其實呢個角色畀我好盡情去做，啲人成日話我做番自己，其實對我好唔公道，不過成個團隊都合作得好開心。」
【全民造星II】幫星二代「加辣」 花姐欽點姜濤Anson Lo再參賽【全民造星II】參賽者徐凌峰神似姜濤 網民︰好似孖生兄弟【全民造星II】首次錄影長達17小時到天光 監製花姐︰瘋狂但熱血【全民造星II】姜卓文唔想靠姜大衛父蔭：希望拎到第一名！