楊丞琳私生活被侵擾罕有網上怒轟　「跟蹤和追星不一樣！」　

一向相當疼錫FANS嘅楊丞琳，出道19年以來出名脾氣好好，即使面對傳媒尖銳問題一樣長現高EQ，但呢日佢居然一反常態於網上留言發炮怒轟，到底邊個激親佢？

Rainie早一日先喺IG分享做完運動嘅好心情，仲話之後會同大家分享做運動時嘅歌單。點知相隔幾個鐘後，佢喺IG STORY以灰底黑字留言話：「我未來，不會跟影響我私生活的粉絲，有任何互動，你/妳不尊重的時候，我也不需要尊重你/妳，追星不是這樣追的，素質在哪裏呢請問？」

粉絲想親近偶像嘅心情可以理解，但過咗火位影響到藝人私生活，甚至感受到生命安全受威脅，就不得不強硬回應，好似王嘉爾之前就當眾質問粉絲係咪公開佢嘅航班資料。而Rainie相隔一個鐘後亦再留言話：「跟蹤跟追星不一樣，請搞清楚。」相信應該係被粉絲私下尾隨令佢不得不動怒。