【頭條新聞】「太后」吳志森發表中秋講話　片尾「拖金鏈」勁高質

港台電視31王牌節目《頭條新聞》擅長以嬉笑怒罵方式講述社會議題，由於大受歡迎，所以7月時節目更宣布撤回「最後一集」決定，延遲「唞暑」！昨日（13/9）中秋佳節，《頭條新聞》也在Facebook貼出標題為《【人嚟】太后有嘢要同大家講！》的節目預告片，太后（吳志森飾）亦在短片中提出五大訴求。

短片最後，飾演偽經絡的羅啟新更亂入進場，問吳志森：「太后，你想點吖？」吳志森：「我想拖囉。」羅啟新：「咁吖，人鏈，我畀條金鏈你拖。」曾志豪問：「點解要拖金鏈吖？」羅啟新答：「唔拖金鏈唔通拖出年咩？」曾志豪問：「咁我有乜可以拖？」羅啟新：「佛鏈啦。」不少網民都留言大讚「高質」、「好睇又好笑」，有人也讚「頭條新聞復工喇！全港市民等住你哋」、「金鏈嗰Part笑死」。