【影片】《江湖悲劇》譚詠麟隔三十年再演古惑仔　陳小春給百幾分

「以前我拍嗰套叫《江湖情》，都超過廿年，今次呢套戲係做大佬，感覺幾過癮，就拍囉。」譚詠麟近二十年沒有主演電影，出山之作演江湖大佬只為過戲癮，自言以前仰慕周潤發，想成為對方入室弟子，今次演手下遍佈全港九的龍頭大哥，演他擅長的喜劇，好玩開心就好。

演過多部江湖片的小春就話沒甚心得可以傳授校長，亦對對方表現讚不絕口，透露校長開工前一晚都做足功課，又清楚每場戲的安排，笑言似上了賊船：「他根本是『有組織及嚴重罪行』想攞金像影帝。」校長聽罷大笑，謙厚回應：「獎項全部都係Bonus，呢啲隨緣，最緊要係過程。」

貴為一代香港歌王的譚校長，不單首首金曲都唱到人琅琅上口，其「甩嘴」風格亦夠街知巷聞，對他來說記歌詞還是記對白難？他有以下解法：「我同超人（導演林超榮）講好，我演唱會嘅歌詞都唔記，唔好旨意我記對白，拍嗰陣我講個意思出來就算，圍戲時講好大約粗略點做，起咗個頭係咁，中間有變化。」

校長笑言其他演員每次埋位可能都心驚膽顫，但小春就話對校長的「爆肚」應付自如：「中間爆咗啲嘢咪『哼』一聲冷笑，其實在大笑，好多這種情況出現，但不明顯的。」

《江湖悲劇》找來蔡瀚億（BabyJohn）、蔡潔及談善言等新生代演出坐鎮，校長向飾演他女兒的談善言傳授演戲要訣：「佢幾日冇瞓覺，好驚好驚，我同佢對對白，已經發現佢口都震晒，我話唔需要咁樣，最緊要好玩，尤其是拍喜劇，你一定要覺得你帶到個mood出嚟，觀眾先會開心先會笑，佢就放鬆咗。」至於BabyJohn，校長讚他有經驗兼轉數快，所以不需要擔心。

小春對蔡潔就有另一番見解：「我發覺佢真係有啲似梁詠琪，似（梁詠琪）剛剛出來時，玉女咁嘅款，但現在『玉女』咁快爆出有男朋友，就冇得玉女囉……」校長亦大讚蔡潔有潛力，仲有好多可以發掘的地方。