松岡李那首次參加東京豐洲海產節　瘋狂食吞拿魚

減肥係女人一生事業，但美食當前梗係食完先算啦﹗松岡李那之後飛去意大利遍遊當地五大城市叉電休息，於網上分享唔少靚相。返到日本老家隨即開工，身為日本人松岡首次到訪東京豐洲水產節，仲破戒瘋狂食新鮮海產﹗

松崗夥拍海鮮達人明哥參觀於東京豐洲舉行嘅「日本國際水產節」，並順道拍攝宣傳片。雖然松岡身為日本人，卻是首次到訪水產節。由於現場近乎檔檔有試食，所以松岡亦唔客氣，品嘗花蝦 sabu sabu 和其他美食，原來松岡本身都係無海鮮不歡，她笑說：「我真係好鍾意食海鮮，因為我唔食肉，所以食好多魚，我特別鍾意食鮪魚、吞拿魚同埋赤鯛魚。」

因為大部分檔主都不擅英語，所以松岡充當臨時翻譯，為海鮮達人明哥解決疑難，明哥除咗教松岡精揀海鮮外，為答謝佢幫忙，仲約定佢返香港一定請她歎靚海鮮。