【默認戀情？】王菲與竇靖童布吉慶生　謝霆鋒笑住唔講點樣慶祝

電影《驚心破》昨晚於九展舉行首映禮，戲中一眾演員包括謝霆鋒、劉青雲、蔡瀚億、雨僑、譚俊彥及導演吳品儒均有出席，另外亦吸引不少圈中人士到場觀賞。

兩大影帝謝霆鋒與劉青雲繼4年前《消失的子彈》後，今次再度攜手合作拍電影。霆鋒表示今次拍攝得非常開心：「之前可能同青雲合作過都有一定的默契，拍攝得非常順利，可是說我近幾次作品中拍得最開心的一次。」這部電影題材除了演技大鬥法之外，仲要鬥智鬥力，霆鋒亦覺得非常新鮮！

相隔4年再合作，青雲指霆鋒比以前更成熟，另外亦提到今次戲中比較多內心戲，青雲笑言：「梗係好啦，唔洗打，可以同其他演員多點交流。」其後提到王菲日前與女兒竇靖童飛到泰國布吉島，度假兼慶祝47歲生日，問到霆鋒點樣與對方慶祝？他即刻甜絲絲地話：「唔講啦！」