【港姐2019】男朋友現身撐場見證贏取季軍　古佩玲：最想食嘢瞓覺

今屆港姐選舉圓滿落幕，古佩玲（Kelly)眾望所歸贏取季軍，賽後接受《香港01》訪問時難掩心情興奮：「其實頭先宣告得獎一刻心情非常緊張，都有啲怕攞唔到獎，因為其他佳麗質數都好優秀，其實當我每次進級嘅時候，我都會希望可以順利入圍，但如果唔得都會話畀自己聽唔緊要。」（Daddy有冇嚟支持？）Kelly直言：「今晚有媽咪同哥哥同阿嫂，而Daddy就出差，冇嚟到。」（仲有個係男朋友？）Kelly甜絲絲話：「係呀！」（今晚點慶祝？）「一陣去食嘢，其實宜家我好想瞓覺同食嘢。」