【港姐2019】古佩玲大熱倒灶　老豆背景唔夠硬淨？

港姐決賽賽果出爐，由年紀只有19歲的古佩玲（Kelly）奪季，早前古佩玲以176萬票奪得由網民透過互動平台投選出的「今日頭條最喜愛香港小姐」，今日再下一城。

古佩玲在最初佳麗大執樣時，因為最遲才現身所以被認為是臨時替補，有傳她的父親是內地的前鎮書記，屬於幹部分子，不過古佩玲在早前接受訪問時則指不知道這個消息，亦覺得不重要，只要爸爸鍚自己就可以。

早前古佩玲在接受《香港01》訪問時曾經剖析過自己的家庭，她說：「我嘅公公婆婆，所有屋企人都係香港人，我同哥哥年齡相差10年，Daddy同哥哥都係做生意，佢哋兩個經常都會出國做嘢，但就唔知佢哋做咩生意。其實喺我角度，Daddy錫我愛我就足夠，所以冇理佢做咩生意，而媽媽主要管理家頭細務，但有時都會幫吓爸爸手。而家我同Daddy媽咪一齊住，哥哥同佢太太就唔係同我哋一齊住嘅，至於Daddy做咩生意，我今晚返去問吓佢先。」