Hebe田馥甄再度進化？ 　網民：我不能接受

由梁家輝首次執導兼主演的電影《深夜食堂》改編自日本安倍夜郎的同名漫畫，主題曲《不晚》搵嚟田馥甄（Hebe）主唱，自從《不晚》MV曝光後，有網民喺討論區留言表示「原來hebe依家個樣變成咁」，隨即有網民表示「化妝／攝影角度問題？我不能接受」。

其實自從單飛後，Hebe不時被指變臉，之前甚至被指同王心凌撞臉，而喺《不晚》MV中，Hebe確實又真係同王心凌有幾分相似。不過，到底點解網友會提出「原來hebe依家個樣變成咁」呢種講法，最大原因可能係因為Hebe出道時一臉baby face再加上一頭短髮，而自從單飛後，Hebe轉走文青女神路線，無論衣著打扮抑或妝容都有不少改變，相信亦都係因為咁，予人有「變臉」感覺。