許芷熒婚後實行造人大計　盡力開枝散葉：生夠6個

許芷熒（Whitney)今日（3/9）與拍拖兩年半圈外男友Alexander Fung拉埋天窗，並於尖沙咀洲際酒店舉行盛大婚宴，筵開四十多圍招呼各界親朋戚友。一對新人接受《香港01》訪問時，Alexander透露為了籌備今日婚宴只睡得三個小時：「因為會有好多活動，怕有啲甩留，所以有啲緊張。」Whitney笑言：「自己因為在婚禮上的工作要準備，所以冇時間瞓。」

有冇計劃婚後生B?Alexander笑言：「其實我哋諗住順其自然，但今日斟茶比嫲嫲嘅時候，嫲嫲話想要兩個『好』字，即係話想要兩個仔兩個女，嫲嫲吩咐到咁就要即刻做嘢啦。」旁邊愛妻Whitney甜絲絲話：「我老公OK，我就OK，可以生夠6個，哈哈！」