【港姐2019】 Do姐教大家睇冠軍相：個位佳麗有種光芒顯現出來
撰文：吳子生
出版：更新：
十名應屆候選佳麗今日（2/9）現身將軍澳電視城出席無綫綜藝節目《Do姐有問題》。有份擔任港姐決賽司儀的Do姐表示：「今次係9月8日決賽之前第一次見佢哋，覺得佢哋各位都好靚好整齊又好乾淨，大方又斯文，印象唔錯。」
睇好邊個？Do姐直言：「我做咗咁多年港姐司儀，都係喺綵排個日就比較睇到多啲佢哋嘅性格，到正式個晚大家好熟絡，仲有一樣好得意嘅嘢，每年做香港小姐決賽當晚，大家可能會諗邊個係冠軍，有種光芒會喺個騷特別顯現出嚟，雖然決賽當晚佢哋都難免會緊張，希望佢哋可以好享受，無論得獎與否，將會係佢哋人生裡面新嘅一頁。」