雙J相隔6年再同框 周杰倫蔡依林未見互動

撰文:洪曉璇
出版:更新:
「雙J」蔡依林同周杰倫雖然早已各有新生活,但喺唔少人心目中都留有特別位置,佢哋每次同台都會成為熱話。全球華人歌曲排行榜頒獎典禮30號晚於澳門舉行,Jolin同周董更加系相隔6年再度同框,馬上衝上微博熱搜。

周杰倫蔡依林獲頒年度最受歡迎男女歌手,一前一後與內地代表薛之謙、李宇春齊齊上台領獎,中間隔住李宇春。周杰倫行前致辭得獎感受時,鏡頭剛好影到企喺後方嘅蔡依林,雙J相隔六年再同框,雖然佢地未有互動,但已經引起網友暴動話回憶返曬嚟。
得獎後周董接受訪問,預告新歌即將推出:「剛剛確認一下,9月17號晚上11點會有我的新歌MV首播,吃完飯趕快回家,如果錯過非常可惜。」