望示威活動早日平息　薛家燕感難過痛心：試過有幾晚瞓唔到

薛家燕（家燕姐）到達位於北角的新光戲院觀看老朋友們演出的舞台劇《但願人長久》。她接受《香港01》訪問時表示，與劇中演員張可頤、江美儀、謝君豪等相識已久，所以工作完畢後，就趕來捧場。

談及近來示威活動對藝人所帶來的影響，家燕姐就明言：「我就冇乜影響嘅，但係好多公司或者朋友都有唔多唔少影響。當然，心見到都唔舒服，所以有好多公司邀請我做活動，都問我囡話：『家燕姐，可唔可以就下我哋個Burget吖？』我都話：『我會盡量支持。』我都希望我去嗰個活動，能夠幫到佢哋生意上嘅工作。希望呢件事就快啲平息。」

後生仔示威而引致受傷，家燕姐又有甚麼看法？她回答說：「其實香港發生緊嘅事，我係難過嘅，亦都好痛心，其他嘅我又唔想發表咩意見，不過我係難過痛心，試過有幾晚瞓唔到，就算我啲朋友都係咁。」