【娛樂大家】汪明荃獲一眾藝人送生日驚喜：又大一歲喇！

汪明荃（Liza姐）周二（27日）以主持身份參與無綫（TVB）綜藝節目《娛樂大家》錄影。提到是次錄影的嘉賓為林夏薇、陳家樂、湯洛雯和張穎康等，Liza姐即自爆未曾跟這幾位嘉賓合作過，她說：「私底下都唔係傾好多偈，未曾知道佢哋個性格係點，反而我哋自己『娛樂家族』幾個就玩得好出色，我諗唔同嘅人都會有唔同嘅火花，如果你成日都對住同一班人，反而會估到對方出咩招。」

提到8月28日是Liza姐的72歲生日，她感嘆：「又大一歲啦！」問及其生日願望，她說：「都係身體健康啦，如果冇健康嘅身體乜都做唔到，希望自己好好Keep住，精精神神。」Liza姐幾日前在IG貼了一張和羅家英到餐廳吃甜品的合照，網民留言話兩位好sweet，原來幾日前是Liza姐的農曆生日，今年西曆和農曆生日好接近，被問到家英哥有否送上驚喜禮物贈她，她笑說：「冇啊冇啊，我哋都唔興㗎啦。」