【逃犯條例】應網民「提款日」呼籲 吳日言：撳住兩萬先！
撰文：吳子生
出版：更新：
《逃犯條例》修訂爭議仍然持續，繼引發多場大規模示威活動後，有網民日前（16/8）發起全民提款行動日，呼籲全港市民響應，將銀行內存款提走，務求癱瘓銀行體系，期望政府回應示威者訴求。
在行動前一日（15/8）知名化妝師Gary Chung便在Facebook上載一張顯示銀行戶口有1000千萬存款相，明顯不支持「816全民撳錢日」，並語帶譏諷留言話：「D儍仔（傻）儍（傻）女可能要問阿媽轉賬幾草嘢比（畀）佢哋先撳到一張一百蚊出嚟！」引起支持者和反對者在網上罵戰。昨日（16/8）吳日言（Yan）則參與提款行動，從櫃員機提取兩萬元現金，並上載手執現金照片到社交平台：「我冇一千萬晒命，但老公畀提款卡我，叫我撳啲錢洗（使）下，今日撳兩萬先。」