【12個夏天】孔德賢爆張寶兒有艷遇 麥凱程：唔好畀袁偉豪知！
撰文：吳子生
出版：更新：
麥凱程（Alex）、孔德賢（Danny）和張寶兒早前三人行，遠赴希臘拍攝無綫旅遊節目《12個夏天》。今日（16/8）在記者會上，Alex與Danny就大爆張寶兒在當地大受男士歡迎的趣聞，Danny說：「我哋去咗一個好出名嘅小島，喺個島上面我哋一個華人都見唔到，本身寶兒佢身上都散發出一種中國女人味，島上嘅外國人對佢特別有意思，佢同啲男士特別好傾，邊飲酒邊跳舞，所以我哋喺佢旁邊好似保安睇住佢。」
Alex則透露：「我哋見到佢同啲男士玩得咁開心，邊跳舞邊飲酒，玩得咁高興，我哋為有喺旁邊幫佢影下相，寶兒仲吩咐我哋唔好話畀佢男友（袁偉豪）知。」問有否影低罪證？Danny笑言：「寶兒佢撳晒掣超亢奮，如果影低佢啲罪證，相機都掟爛你，哈哈，寶兒本身都好好嘅，佢喺呢行咁有經驗，教識咗我哋好多嘢嘅。」
【萬千星輝】爆肌助選團麥凱程 40寸胸肌搶鏡過小生花旦【鐵探】張寶兒為袁偉豪零表情演技辨護：連佢自己都不自覺挑剔咗【鐵探】開Live明撐女友張寶兒冇搞是非 袁偉豪：佢令我更加率直【多圖】袁偉豪張寶兒巴塞隆拿甜蜜拍拖 海邊運動添情趣