出席蘇頌輝婚宴 薛家燕恨抱孫望兒媳婦盡快生B：最好生兩到四個
撰文：吳子生
出版：更新：
無綫明珠台男主播蘇頌輝（Desmond）與圈外女友Sophie今日（3/8）於金鐘舉行盛大婚宴，薛家燕盛裝出席宴會：「我同佢媽咪lrene（蔡潔蓮）認識咗20年，初初Desmond佢喺外國返嚟嘅時候，咁啱有個活動需要司儀就叫咗佢去做，點知佢真係做得好出色好有天分，今日戥佢好開心，可以成家立室，祝佢哋甜甜密密，永結同心。」
幾時有得抱孫？ 家燕姐：我都唔知㗎！
家燕姐續說：「頭先聽佢哋對新人講，婚後會生6個小朋友，真係好難得，因為好多年青嘅夫婦都會話生1至2個小朋友，真係一件好開心嘅事，因為我好鍾意小朋友。」提到自己兒媳婦幾時生B，家燕姐就話：「其實呢有好多傳媒同朋友都問我：『你個仔幾時有喜』，咁我都唔知㗎，第一佢哋又忙啦，而佢哋又想過一啲二人世界先，如果我個仔幾時有喜我就會公布俾大家知，其實我都好想抱孫，最好生2至4個就夠，我唔敢講6個，哈哈！」
【流行經典50年】薛家燕退位 陳敏之孖胡楓繼續唱：唔會太大改變【懿想得到】薛家燕為黎諾懿處女出浴 抱病堅持拍攝認真唔話得【流行經典50年】薛家燕轉行「公主風」？ 着齊七色化身彩虹仙子薛家燕到內地商演食生蠔出事 又屙又嘔仲暈足兩分鐘！