【十二傳說】林子善重提撞鬼經歷嚇破膽:驚到講咗四個字

撰文:張嘉敏
出版:更新:

無線劇集《十二傳說》內容講述多個都市傳說和靈異怪談,有份演出該劇的林子善在今天(25日)的宣傳活動上分享了他曾經遇過的恐怖經歷。子善表示:「我由細到大都未見過鬼,系得一次,記得系喺拍緊《城寨英雄》嗰段期間,有一日我同我阿哥去屯門探我婆婆,陪佢去飲茶,我阿哥揸車嚟載我,我嗰排拍劇拍到好攰,就喺車上面瞓覺。佢將架車泊咗喺商場嘅停車場,我去攞車時唔知泊咗喺邊層,喺一層揾唔到就落下一層揾。行前啲有部𨋢,但我就懶叻走去行後樓梯,因為近啲。」豈料怪事就在此時發生。

林子善講返佢嘅撞鬼經歷都起雞皮。(陳順禎攝)
林子善講返佢嘅撞鬼經歷都起雞皮。(陳順禎攝)

子善續說:「行到後樓梯感覺系昏昏暗暗,啲燈光好黃,就喺水龍頭嗰個位,我見到有個黑影,好似一個人蹲咗喺地嘅高度,我feel到佢嘅存在,透過電波感應到佢話我知,佢系唔想見到我嘅,佢繫個老伯伯嚟。嗰刻我真系驚到個人有一股寒氣,由尾龍骨直上到頭頂,成身起曬雞皮。我嚇到講咗四個字「X你老母」,之後即刻跑走咗,去揾我阿哥同佢講我撞鬼!我阿哥仲叫我念經。好彩之後我都無事,隔咗兩星期又再同我阿哥去返嗰度,今次成個氣場唔同曬,啲燈光系白光嚟。我覺得之前系因為我唔夠瞓,所以會容易啲撞到嘢。」

正在加載