李家鼎教煮狗食物落鹽被投訴　周家蔚：一定唔會落調味料

黃祥興和周家蔚周五（19/7）現身灣仔會展為新書《星級料理入廚寶典》宣傳造勢。祥興表示：「本書用咗差不多一個月時間完成，每次拍攝我都要親手煮5個法色料理，其實我冇真正學過廚，都係跟媽咪身上又或者睇書學返嚟，試過上網睇過教人煮餸影片，睇完到唔明，咁所以將自己入廚20幾年經驗，注入呢本新書中分享俾大家。」

周家蔚表示自己入廚經驗超過30年，小時候已經跟隨嫲嫲入廚學包餃子，練到一手好廚藝。提到近日無綫節目《我的寵物》，李家鼎示範教煮狗食物，在烹調中加鹽，增加味道，立即惹起愛狗人士狂鬧，認為有誤導成份。出名是愛狗人士的周家蔚直言：「自己都有餵過人食嘅食物，不過一定唔會落調味料，而佢哋本身受唔到，一定要食乾糧，我知道喺佢哋細個嘅時候可培養，係可以食紅蘿蔔同食蔬果，不過始終每個家庭飼養方式都好唔同，都係因人而異。」