崔碧珈自爆有遺傳性糖尿病 ：每年都要Body check

崔碧珈（Anita)昨日（16/7）出席在深水埗舉行的《Bubble寫真祭2019》活動，並為自己寫真集《崔碧珈的生酮秘笈》宣傳造勢，更即場示範瑜珈動作，展現出柔軟體態美，令現場氣氛炒熱。Anita表示：「呢本書明天面世，心情好興奮，因為我哋籌備咗成九個月時間，出版社同我講喺網上面個反應幾好，咁所以佢哋會留啲底，如果真係賣得好好嘅時候，佢會準備人手再加印。」

（被問到為何推出生酮飲食療法寫真？）Anita直言：「因為我以前係歐洲讀書嘅時候已經好流行，但我見香港又冇人做過，而且我有遺傳性糖尿病，Daddy經常要篤手指，監察住血糖，佢又唔可以食米飯，而我每年都要Body check，不過經過醫生建議後，我就開始咗「生酮飲食」，起初都唔係諗住減肥，但日子耐咗就發現自己瘦咗好多，咁所以好想將呢樣嘢同大家分享。」