【十二傳說】血腥畫面令人不安隨時收投訴 林夏薇：擔心唔嚟！
撰文：賴家杰
出版：更新：
蕭正楠（Edwin）與林夏薇今天（14日）出席TVB電視劇《十二傳說》的宣傳活動。這劇接緊接收視和口碑皆不俗的《白色強人》播出，《十二傳說》的主角Edwin指自己反而抱樂觀態度：「其實劇種唔一樣好難比較。我相信呢個時間播出係唔錯，因為大家考哂試，輕輕鬆鬆睇電視。」
現場也有播出《十二傳說》的精華片段，片段中不乏驚嚇及血腥場面，對於很多習慣看TVB劇集的觀眾而言，或會接受不了，會否擔心有觀眾投訴呢？林夏薇直言擔心不了：「因為我哋呢套劇係根據都市傳說去寫，我覺得好多傳說大家都聽過，但內容有幾豐富呢？希望大家去留意，呢套電視劇係值得期待。」
網友現身反無綫 阿蕭：最緊要係安全第一！
提到今天馬國明出席商場活動時遭到多名示威者在現場抗議TVB新聞部近期的偏頗報導，令到馬國明在活動中逗留5分鐘做由警察護送離開。二人也是TVB客戶深受歡迎的藝人，難免會發生這類型情況在他們身上發生，Edwin說：「希望TVB藝人朋友或者到場宣洩情緒嘅朋友要安全第一，而會唔會影響到我都唔係我控制到，做好自己啦！」