「龔水CP」戲假情真? 呂慧儀帶張景淳返香閏食宵夜

撰文:鄺鈺瑩
出版:更新:

喺《愛‧回家之開心速遞》嘅熊若水(呂慧儀)同龔燁(張景淳),由鬥氣冤家變成深受歡迎嘅「龔水」CP,唔少觀眾都希望「龔水」可以快啲拉埋天窗。日前有報道指36歲嘅呂慧儀同38歲嘅張景淳一齊喺數碼港戲院睇戲,完場後,張景淳開住呂慧儀嘅座駕,兜勻大半個港島想揾地方食宵夜,但都系「食白果」,最後去到旺角,張景淳買魚蛋、燒賣期間,呂慧儀全程喺車內等待,甚有默契。之後,二人一同返回呂慧儀位於黃金海岸嘅香閨,報道更指,記者在寓所外守候3小時,也未見張景淳離開。
呂慧儀今年3月宣佈與黃文廸離婚後,身為拍檔兼好友嘅張景淳除加以安慰外,又開po爆傅嘉莉博見報,man爆行為即獲網友讚賞。而當時曾有傳張景淳對呂慧儀呵護備至,甚至不時出現喺呂慧儀孃家屯門市中心,為嘅就係陪女方散心。對於深夜密會一事,呂慧儀就表示淨系會同4歲兒子「蟹籽」拍拖,至於張景淳就未有任何回應 ,雖然兩位當時人對戀情未有任何表態,但網友就已紛紛送上祝福,並希望有情人終成眷屬。