【聽雪樓】首演反派角色獲網民激讚 袁澧林:導演話我唔夠奸
撰文:吳子生
出版:更新:
「文青女神」袁澧林(Angela)今日(5/7)現身銅鑼灣出席著名品牌活動。講起配戴腕錶喜好,原來Angela鍾情簡潔平色的腕錶,認為較易配襯服飾:「我比較鍾意簡約,但有時都會鍾意啲顏色會比較誇張啲,但黑色同白色嘅顏色係我最鍾情嘅。」
Angela近來憑內地劇集《聽雪樓》反派角色明河一角備受內地網民喜愛,人氣急升。Angela開心表示:「其實我都估唔到我可以處理到呢個奸角嘅角色,因為大部分時拍攝嘅時候,自己覺得都唔係演得幾好,覺得好差,尤其是講我要殺人嘅時候,導演都有話我個樣唔夠奸,要我用力啲去演,但演感情戲份都問題不大。」