《愛回家之開心速遞》向來有口碑有收視，早前「收視福將」歐陽震華（Bobby）客串嘅「波比與群姐的前世今生」上下更高收32.3點，成為自2017年首播至今最高的成績。劇中Bobby扮演《金裝四大才子》中嘅祝枝山，同「群姐」許思敏有段隔世情緣，再加上《梁山伯與祝英台》、《色戒》情節，笑料十足。雖然Bobby成功創下《開心速遞》收視新高，但其實劇中一眾演員都唔弱，單系2019年就已經有10集收視超過30點，大家又記唔記得以下劇情？
1月1日播出第484集，以「慳D啦！熊家！」為主題，講述熊家展開地獄式慳電比賽，故事輕鬆惹笑。 雖然同晚ViuTV轉播《叱吒樂壇流行榜頒獎典禮》，搶去大台觀眾，但該集仍收30.5。 向來善良嘅Terry（李偉健飾），喺呢集被群姐用大小姐名言「你原來真系笨，唔系扮。」來揶揄，結果激發佢用偏方令自己變得聰明。 一連兩集嘅「Terry變天才」分別收30.6同30.4。 第557集講述 大小姐得知曹總（劉一飛）想追求熊若水（呂慧儀），特意製造機會，龔燁為此受到威脅…… 第571集「父親．明白了（下）」講述朱凌凌參加短片拍攝比較，並以自己同爸爸朱展為拍攝題材。 拍攝期間，朱凌凌因缺乏拍攝經費而捱餓，最終不支暈倒。以父子關係為題材嘅呢一集，竟然錄得30.1收視。 第577集「Jenny母儀天下」講細龍太懷有「龍種」之後，突然非常體恤公司嘅媽媽員工。 點知去產檢時，先發現原來系誤會一場。 陳偉琪將細龍太一角演得入形入格，不時都奸到出汁，該集由佢擔正收視30.3。 第581集嘅「吸血根」講述熊樹根客串《曹總傳》後大受街坊歡迎。 點知被《曹總傳》嘅臨時演員指佢壓榨薪酬，原來一切都系細力搞鬼。該集收視為30.5。 《開心速遞》有唔少CP，而第582集嘅「地底泥愛我」就講述岑杏賢飾演嘅Icy，唔介意歐瑞偉飾演嘅KC被「燉冬菇」為成初級文員，仲趁機送上愛的抱抱。 點知最後被Terry擺上台……父女戀會否修成正果至今仍然繫個謎，但呢對CP就成功令該集收30.6。 講CP，又點少得大小姐同送水輝呢一對，第597集《戰鬥吧！輝》講述送水輝為咗襯得起大小姐，於是諗住「捐精」予富婆。 期間送水輝更化身《天若有情》華Dee，衝入教堂搶新娘。 雖然明知系FF，但觀眾似乎都好buy，該集收視有30.9，成《開心速遞》第三高收視一集！ 「收視福將」歐陽震華一齣，第606集嘅「波比與群姐的前世今生」收視高達30.2。 劇情講到原來波比同群姐有三世姻緣，搞到群姐今世視歐陽波比為偶像，經常都日有所思、夜有所夢。 喺三世姻緣中，Bobby以祝枝山身份出場，仲同「四大才子」一齊去「蜜娛院」。 兩人婚後生活潦倒，連畫作都賣不出錢，祝枝山更誤服夫人群姐買回家的鼠餌而中毒噴血身亡。 該集視為31.3！Bobby同群姐呢對CP功不可沒。 
