彭于晏睇騷撞見人氣男神　神仙合體睇到網友心臟窒息

嘩嘩嘩！正位於巴黎舉行的春夏時裝周活動中有兩大男神出現成為全場焦點，一位就是37歲有「國民老公」之稱的彭于晏。受品牌邀請出席睇騷的他同另一位人氣男神坐埋一齊，仲有傾有笑養眼的畫面被民眾所拍，隨即在網絡上瘋傳，睇到一班女網友面紅耳赤，形容他們根本就是「神仙合體」。而這一位男神就是有兩年時間冇出現在觀眾眼前，在華人地區上有「長腿Oppa」之稱的，想知道睇落去喇！

來自世界各地不少明星都受邀出席時裝界活動，而台灣型男彭于晏就是其中之一，日前他身穿一襲羅蘭色西裝，配上白色球鞋，梳著型格油頭裝去睇騷，整體打扮有型有款，靚仔指數已經破表。沒想到在同一場騷，他遇上韓國「長腿Oppa」李敏鎬，他身穿灰色大衣內搭絲質襯衫同黑色長褲，再梳著現時最流行的中分頭，突顯他的高挑身材，有型之餘更帶點儒雅感，靚仔指數同彭于晏不相伯仲。

彭于晏隨即同李敏鎬打招呼，二人同時一齊坐下睇騷，期間還有講有笑十分開心。另外，男神遇見男神二人還齊齊來個合照，彭于晏就Pose多多相當搞笑，而在旁的李敏鎬則一本正經微笑，兩人一合體成為該場品牌活動最大看點。

二人合體照片一傳開隨即引起網爆動，特別是女性粉絲大家睇到幾乎心臟窒息，紛紛留言：「神仙同框時刻」﹑「窒息的荷爾蒙」﹑「帥要溢出屏幕了」…睇到大家瞬間懷孕了。雖然兩大男神的靚仔程度不相伯仲，但有網友就一定要分出高下，最後似乎大多數人認為彭于晏略勝一籌，皆因李敏鎬似乎還有點水腫，顏值還未達到巔峰。

今次的活動是李敏鎬自今年4月完成兵役之後，出席的第一個海外時裝活動，已經全面復工的他，即將會同女星金高恩合演新劇《The King：永遠的君主》，該劇未播討論度已經好高，期待李敏鎬的全面歸來。

點擊睇更多兩大男神靚仔樣：