【多圖】陳庭欣Fit爆拍《3日2夜》：有畀心機操練先敢去呢個trip

陳庭欣 (Toby) 早前為了拍攝無綫旅遊節目《3日2夜》，特地下了一番苦功努力keep fit，結果如願操得一身fit爆身材，以最佳狀態示人。Toby表示：「我有畀心機操練先敢去依個trip，所以今次係sell陽光健康。當地嘅天氣好舒服，唔係熱嘅，好大風。」她此行去了太平洋島嶼新喀里多尼亞拍攝，面對陽光與海灘，當然少不了泳裝上陣啦。Toby與攝製隊還獲當地部落居民設下國宴款待他們。

Toby一副fit爆身材完全是努力和汗水的成果，她說：「主要係靠做運動，因為要拍嘢所以有個目標去操fit自己，就會更加有恆心。我都好多謝公司久唔久就安排我拍一啲旅遊節目，等我可以提醒自己係時候要操練喇，有個目標係好好多嘅。通常我會喺出發去拍攝之前嘅1至3個月開始準備，我會去上personal trainer嘅堂，我都好勤力㗎，愈近出發嘅日子就會愈去得密，一星期會去4至5日，每次操練個半鐘至兩個鐘已經好夠。」Toby的personal trainer會對針對她的體形來重點訓練：「我啲手腳唔係重災區，所以唔使做太多呢方面嘅運動，但係都要做，例如做掌上壓，舉啞鈴等，要畀重量去練。」

擁有螞蟻腰和11字腹肌以及迷人馬甲線的Toby，腰部是她要重點操練的地方：「我覺得修腰係最緊要，我做好多修腰嘅動作，包括平板支撐、mountain climb，負重扭腰等等，其實真係好辛苦，每一set要做50秒、60秒，每款動作要做4次左右，但係我覺得呢幾十秒嘅時間好漫長，要係咁同自己講要捱過去。同埋我都要挑戰自己最唔鍾意嘅跑步，覺得好悶，但係跑步原來係必須嘅，我跑半個鐘已經想死，要同自己講數，例如今次跑10分鐘，下次跑15分鐘，將跑步嘅時間慢慢加上去。」Toby表示要視乎個人的體質去做運動，除了上堂之外，她在家也會繼續做運動操練。

至於飲食方面，Toby並沒有特別戒口：「唔使拍嘢嘅時候，我平日就無特別戒口嘅，有keep住做運動，會提醒自己食7成飽，食多啲菜同水果啦。但係要準備拍嘢之前，開始真係要減下食，我就會食5成飽，早啲食晚餐，6點左右要食，晚餐戒食澱粉質。到拍嘢前一個星期就要食得好清淡喇，要戒晒所有零食。」

點擊下圖逐格睇Toby今個旅程嘅靚相，以及佢之前嘅水着look：