【白色強人】馬國明被指講嘢大聲 似演《降魔的》的士佬：睇返先
撰文：吳子生
出版：更新：
馬國明昨晚（13/6）現身尖沙咀出席著名品牌活動，他有份參與的無綫劇集《白色強人》星期一播出至今，掀起一股追劇熱潮，而他在劇中飾演的唐明一角，備受網民關注，原因竟然是他說話太大聲時有點似《降魔的》中的的士佬，直言「有啲唔自然」。
馬明聞言笑說：「應該唔會呀，因為就算唐明發脾氣都冇《降魔的》中的小馬咁粗俗嘅，但我要返去睇返先，自己又冇留意到，其實我平時都好留意啲人嘅評論，不論網上又或者朋友好與壞嘅評論，我都會聽，咁樣對我嚟講先會有進步，至於會唔會在網上與網民交流，其實呢樣嘢係好事，不過暫時未有好多時間去做。」