【晚吹-啪啪Partner】SP特別易上癮？　留學生：可以試玩下新意思

ViuTV節目《晚吹-啪啪Partner》每集都有唔同嘅性話題，由懷孕性生活、初夜到AV的誘惑應有盡有，每集除有火雞姐之外，仲會有性知識豐富嘅夫妻Vera和Picco同嘉賓一齊討論。最新一集《晚吹》以「「SP」（Sex Partner）為題。

喺澳洲長大嘅男嘉賓透露過去6年間，擁有30多個SP，並否認擁有如此多嘅「對手」係上癮。「呢個話題其實並唔係太敏感，係可以好坦白咁講出嚟，唔同香港對SP呢個terms咁貶意。」雖然呢位男嘉賓話唔係上癮，但言談間佢都分析咗SP嘅好處：「可能會玩下新意思、玩下玩具又或者叫佢著制服，但如果同女朋友的話我通常都好簡單、好normal，就連體位都係嗰幾招。」能夠做到SP與女友兩者兼得，呢位男嘉賓係咪算叻？！