「細龍太」陳偉琪Deep V拍MV　支持本地音樂：冇收佢錢

早前「細龍太」陳偉琪（Vicky）為本地樂隊「享樂團」的新歌《一巴掌男友》客串做了MV女主角，日前（6月8日）MV就終於面世啦！「細龍太」更在個人IG開Post宣傳，也吸引了不少粉絲留言讚好兼睇MV。

陳偉琪（Vicky）接受《香港01》訪問時：「個MV我拍咗一日，喺一開始個場景度，其實我即場同『旨呈』（享樂團主唱之一）度咗好多嘢。其實我同佢係打籃球識嘅。成個MV係拍得有啲少攰，不過都好好玩、好開心！知道今次係『旨呈』去做呢件事，我好支持本地唱作歌手，所以今次我都冇話：『我哋咁好朋友，你唔好畀錢我啦。』」

MV中Vicky穿了一件鮮黃色連身Deep V裙，還與主唱跳貼身舞，十分惹火。她表示意其實是來由著名電影《La La Land》（星聲夢裡人）：「好哋有啲想做《La La Land》個Feel，所以同我講完之後，我先發覺屋企冇呢隻色，所以嗰日之前就即刻去買咗條裙，呢條仲係我搵到嘅，唯一一條黃色裙。」