【白色強人】馮盈盈拍接吻戲　事前要向男友申請 ：手續好煩好多

無綫劇集《白色強人》將於下周一首播，昨晚（3/6）於九龍灣國際展貿中心舉行《白色強人》劇集首映會，出席演員包括有郭晉安、李佳芯、馬國明、馮盈盈、唐詩詠和何廣沛等，現場氣氛熱鬧。

馮盈盈透露在劇中與何廣沛有感情線，還自爆將第一次螢幕初吻送給男方：「今次我覺得比較麻煩，因為事前要同男朋友回報，拍完之後又要回報，咁其實都有好多手續要做，但都好多謝佢嘅諒解。」（事前有冇做準備？）盈盈笑言：「拍攝個日我特登全日食齋又食薄荷糖，希望令對手會舒服啲，不過何廣沛都好細心，因為拍攝當天係冬天，天氣比較乾燥，佢怕我哋會嘴到出血，就搽定潤唇膏。」