洪永城聞黃翠如備孕讚好　提早改乳名：叫脆腩肉！

正蜜運中的洪永城（Tony）早前就去到西藏為《如果這樣生活》拍攝，他周五（31日）與陳煒、袁文傑、楊明、張頴康和余德丞等一同出席記招，分享此行的感受！

在西藏，Tony探訪一個有共同信念的旅者，他開了一間小旅館，接待來自四方八面的背包客，譲他們用遊歷故事換住宿，分文不收。他稱：「只要你分享故事就可以換免費嘅住宿，我講嘅故仔就梗係好聽啦，佢畀我住兩晚仲送埋晚餐畀我添呀，因為我講慈善機構嘅故事，佢聽完覺得我好有理想，仲送埋宵夜俾我。」

對於缺席好友黃翠如和蕭正楠早前到峇里島補辦的婚禮，Tony就稱：「佢有邀請我嘅，但我就有啲嘢做去唔到，佢返嚟有同我分享話好開心，我都好戥佢哋幸福！（會唔會心思思想結婚？）都差唔多啦，哈哈。而家暫時工作為主，但我朝住嗰個方向。（話翠如為生B推咗兩部劇？）好喎，快啲生個小翠如…翠腩肉？就叫脆腩肉啦！」