【2019香港小姐】鄧卓殷否認整容 ：我全靠化妝技巧

應屆香港小姐亞軍鄧卓殷（Amber）今日（30/5）現身灣仔出席新一屆《2019香港小姐競選》記者招待會。Amber快將卸任港姐心情不捨得說：「覺得自己參選港姐後自己改變咗好多，更加認識自己情緒之外，亦懂得打扮化妝，呢一年嘅經歷是我人生的一個轉捩點。」

對於日前有網民將Ambet舊照公開，被質疑整容，Amber對此表示：「其實見到啲相自己冇唔開心過，因為個個都係自己嚟，其實我都好明白啲觀眾，因為佢哋唔識我，見到啲中學嘅照片同宜家嘅我改變好大，咁所以佢哋會有呢個想法，其實當自己認識自己之後，明白用化妝技巧，係可以將自己變靚啲。」