傳高海寧明年歐洲秘婚 與音樂人鄧智偉拍拖5年勁低調

撰文:鄺鈺瑩
出版:更新:

高海寧(高Ling)主演嘅新劇《婚姻合夥人》廣受好評,此劇系高Ling入行11年嘅首次擔正作品,唔少觀眾都贊佢喺劇中演出自然。高Ling憑劇人氣急升,其感情事亦都備受關注,今年32歲嘅高Ling與年長11年、華橫溢嘅音樂人鄧智偉緋聞傳足5年多,雖然雙方一直未有正面承認,但就不時被影到前後腳出席朋友假局,甚至有指二人早已共賦同居。
對於感情狀況,高Ling近日就以「好開心」形容,對於鄧智偉,佢就以「friend過夾band」形容,呢種默認方式,低調又sweet。日前有報道指高海寧與鄧智偉計劃明年飛到歐洲秘婚,早前佢同李佳芯到巴塞隆拿旅行,其實系順道物色行禮環境。對於婚訊,雖然高Ling表示「得啖笑」,但其實近年唔少藝人都系先婚後公開,再加上高Ling對戀情向來十分低調,而佢之前亦曾表示「到結婚才公布戀情」所以秘婚機會其實都幾高。