【大醬園】徐榮勸樊亦敏降低男友要求：身家唔好5億樓下喇！

無綫劇集《大醬園》一眾演員今晚齊集將軍澳電視城中菜廳，為今日壽星女樊亦敏（Amy)慶祝48歲生日。徐榮與樊亦敏在劇中首次飾演一對恩愛夫妻，作為老公的徐榮又送咗咩禮物俾老婆呢？徐榮笑言：「送咗13日嘅全廠景俾佢作為生日禮物囉，大家對足成13日咁長時間，都係時候避下大家。」Amy笑說：「呢13日真係見得太飽，之後真係唔可以再見，如果唔係真係會殺人。」

提到生日願望時，Amy表示希望大家身體健康，旁邊徐榮搞笑問：「戲裡面我哋係兩公婆，咁幾時真係搵返個老公呀，有冇呢個諗法先？」Amy笑言：「我未知住喎，其實有呢個諗法，但係要睇下個路途點樣先，所以我仍然抱住一個開放觀望嘅態度，呢種開放，唔係個種開放呀，哈哈！」徐榮笑話：「你要求咁高，應該降低對方身家要求，唔好五億留下咁多啦。」