佘詩曼44歲生日晒素顏照　歐陽震華連續8年送上祝福

佘詩曼今日44歲生日，佢今午喺微博發文表示「活到44載 感恩..」，圈中好友亦紛紛送上祝福，當中包括連續8年無間斷嘅歐陽震華（Bobby），二人早年在《洗冤錄》、《法證先鋒》有多次合作，關係融洽如兄妹一樣，去年Bobby更特地由內地趕返香港為阿佘慶生，足見二人感情深厚。雖然Bobby喺微博只係簡單一句「生日快樂」，但佢發文時間喺28號嘅零晨12點半，絕對係誠意的表現。

阿佘喺微博上載嘅照片中，以素顏示人，皮膚依舊白晳細緻，完全唔覺有黑眼圈、毛孔、倦容，點睇都唔似44歲，令唔少網民十分羨慕。有指阿佘向來十分注重養生，每朝早都會喝一杯燕窩牛奶，平時亦會多吃有燕窩果之稱的麒麟果，麒麟果含有大量多酚，具抗氧化作用能有效抑制黑色素產生。