林秀怡經常搞爛Gag　卻遭男朋友敷衍 ：好傷心囉

林秀怡周一（27日）出席TVB綜藝節目《娛樂大家》的錄影，以往她也有出席一些綜藝節目當嘉賓玩遊戲，她說：「其實之前參加啲綜藝玩嘅遊戲就唔洗太用腦，用體力比較多，所以今次要用腦比較擔心，平時比較少用，荒廢咗，但琴晚都有上網惡補下呢個綜藝，希望一陣表現唔好太過蠢。」

秀怡平常不用腦思考其實還有一個原因，她解釋這是令自己放鬆的其中一個方法：「我好識放鬆㗎，我盡量一有時間就放鬆自己，唔放鬆都要放空，咁係最好，咁樣感覺都會帶到埋畀人開心都幾好，呢樣嘢好難做到。」

秀怡直認自己的性格幽默風趣及樂觀，常常也製造一些笑話令身邊人開心，她透露唯獨是助理編導男朋友「頂佢唔順」：「我成日講嘢，講啲無聊笑話佢都唔理我囉，跟住佢覆我一句哦。我講乜佢都覺得唔好笑囉，好傷心囉，但我覺得好好笑。」