【媽媽唔易造】吳文忻拒再當高齡產婦　懼怕打針食藥 ：變得浮腫

吳文忻今日（23/5）出席在將軍澳舉行的無綫節目《媽媽唔易造》記者會，節目將會請來不同星級嘉賓，就各樣生育問題進行探討。文忻婚後育有一對女兒，自淡出娛樂圈後，十分享受天倫之樂：「依家兩個女兒都仲係好細，佢哋都要好鍾意媽咪講故事俾佢哋聽，因為媽咪比工人姐姐講得好聽啲，而Daddy嘅角色係陪佢哋玩多啲。」

現年44歲吳文忻曾經想過再生多個B，但因自覺年紀漸長而卻步：「宜家唔會再諗生小朋友，如果再生已經係高齡產婦，記得生之前兩胎嘅時候，一啲都唔容易，又要打針食藥，藥嘅副作用會令到個人好浮腫，你見我宜家都好努力咁修身，我唔想再嚟多次嗰個過程，講真其實生唔生到小朋友，聽醫生講好睇個女人個卵巢同子宮個健康狀況，女人進入40歲後，懷孕機會愈來愈少，所以我會同身邊想生B嘅朋友講，千其唔好話隨緣，呢個世界冇咁多隨緣。」