吳岱融唱歌拍MV騷舞功 鷲哥強勢必奪2019樂壇新人獎?
即將「登陸」的吳岱融(Hugo)近年憑無線劇《乘勝追擊》(2017)中一句「臭雞」對白而成為全港網民響應的話題人物,其角色名「鷲哥(高天鷲)」更加成為自己的代名詞,效果有如大家叫家燕姐做「好姨」、又或者稱謝天華做「Laughing哥」、「大小姐」或「送水輝」等。其實「鷲哥」並不只是演技出色,歌藝亦都非常了得!去年為紀念結婚周年,鷲哥更憑歌寄意,灌錄了一首國語歌《回去愛你十億秒》,今年亦推出專輯。但鷲哥的能力又豈止唱情歌?近日他又再改編了一首「新疆民謠」成為唱跳曲《DLATT》(Dancing Laughing All The Time),更去找來多位美女到沙灘拍MV,兼且大騷舞功!
鷲哥真系寶刀未老呀:


鷲哥表情包:
「我跳開芭蕾舞」
看過MV之後真的大吃一驚,想不到鷲哥除了跳得扭得之外,就連一字馬都輕鬆做到,鷲哥接受《香港01》記者時說:「其實我一直都做到,只不過好少會騷畀人睇啫!費事畀啲人話我曬命,話曬我都就嚟60歲。」今次鷲哥的這首《DLATT》是希望可以勉勵其它人,即將「登陸」的他仍然可以實現夢想。至於鷲哥的舞功,原來是源自三十多年前:「嗰時我喺新加坡當兵,大概1984年左右啦,嗰時我加入咗民工隊,每日就係學嚇跳舞呀、話劇同唱歌咁,咁我就係喺嗰度學跳芭蕾囉!之後我都keep住會每日拉筋,又會做瑜伽咁。」
勢做樂壇新人?
近年鷲哥總共推出了5首歌,分別為《回去愛你十億秒》、《水霞風雲》、《我的朋友不簡單》、《風大浪大》以及最新這首《DLATT》,當中包括粵語、國語、英文、舞曲、快歌、慢歌,非常多元化!問他可有機會在各大樂壇頒獎禮分一杯羹?鷲哥笑言:「呢個要睇公司點安排喇!其實我都唔會去諗呢樣嘢啦,我只系想完成自己嘅心願。至於會唔會有提名都冇所謂啦,我都有上過《勁歌金曲》㗎。我最希望嘅只系多啲人睇到囉!」
鷲哥的年輕照和「民工隊」的朋友: